Dhimbja për ndarjen nga jeta të Shpat Kasapit ka qenë tronditëse për familjarët e tij, që mes lotëve dhe dhimbjes, kanë ditur që të transmetojnë mesazhe të forta ringritje.
Së fundi ka qenë bashkëshortja e tij, Selvija, ajo që ka bërë një postim prekës, tekisa shkruan se kujtimi i Shpatit e mbush me lot, pore dhe me shpresën se një ditë do të takohen sërish.
“Ka momente kur bota është e qetë, dhe papritur, kujtimi i tyre të godet në zemër si një valë e heshtur. Ti kujton buzëqeshjen e tyre, zërin e tyre, mënyrën si ta qetësonin shpirtin – dhe ashtu, në çast, po përpiqesh t’i mbash lotët, ndërsa pëshpërit një lutje që vetëm Allahu e dëgjon. Në atë moment, të kujtohet: dashuria nuk përfundon me vdekjen. Ajo thjesht pret për ribashkim në xhenet, inshaAllah”, ka shkruar ajo.
Ndërkohë që në profilin saj në rrjetet sociale, Selvija ka fshirë pothuajse të gjitha postimet, duke lënë vetëm 3 fotografi, ku shihet së bashku me Shpatin dhe me djalin e tyre Roelin.
Shpat Kasapi ndërroi jetë në moshën 40-vjeçare, në datën 26 Nëntor, pas një sulmi në zemër. Kasapi ishte një nga emrat më të njohur të muzikës shqiptare dhe numëron hite të shumta të dashura nga të gjitha grupmoshat. Karriera e tij nisi në fillim të viteve 2000 dhe ishte një idhull për shumë breza.
Disa nga hitet e tij janë: “Valle Kosovare”, “Kush të ndau prej meje”, “Dashni pa limit”, “Aroma e saj” dhe shumë të tjera. Kasapi la pas një djalë, Roelin, ndërkohë që dhe babai i tij është ndarë nga jeta në moshë të re, në rrethana të ngjashme.
