Epidemia e gripit ka gjunjëzuar Greqinë dhe situata pritet të përkeqësohet më tej sipas specialistëve të shëndetësisë.
Javët e ardhshme janë veçanërisht shqetësuese në lidhje me gripin, tha profesoresha e Epidemiologjisë Theodora Psaltopoulou, e cila foli për SKAI-n në lidhje me të dhënat që po dalin si në nivel ndërkombëtar ashtu edhe në vendin tonë.
Vërehet një shpërthim i virusit që transmetohet te fëmijët në një përqindje shumë të lartë. Siç shpjegoi ajo, Shtetet e Bashkuara po regjistrojnë shkallën më të lartë të vdekshmërisë së dekadës së fundit këtë vit, me 17,000 vdekje deri më tani, kryesisht për shkak të gripit të tipit K.
Në të njëjtën kohë, në Britaninë e Madhe, ndërsa kishte filluar të vihej re një ulje e vdekjeve të lidhura me gripin, normat u rritën përsëri pas sezonit të festave. Edhe në Itali situata ëhstë tepër shqetësuese, pasi javën e kaluar u regjistruan të paktën 800 mijë shtrime në spitale me simptoma të rënda të gripit.
Në Greqi, sipas ekspertes në fjalë, situata gripale erdhi më pas dhe të rrezikuar janë kryesisht të moshuarit, mbi 70 vjeç.
Mjekët bëjnë thirrje për vaksinim, sepse kështu edhe rreziku ulet ndjeshëm. Ata thonë se sipas ECDC, vaksina është më shumë se 55% efektive kundër sëmundjes.
Java që vjen pritet t ëshënojë edhe kulmin e epidemisë gripale në Greqi. Mjekët theksojnë se gjatë kësaj periudhe, gripi është po aq i rrezikshëm sa koronavirusi, pasi të dy sëmundjet prekin seriozisht njerëzit e moshës 70-80 vjeç, ashtu si edhe virusi sincicial i frymëmarrjes.
