Një ngjarje e rëndë është regjistruar ditën e djeshme në qytetin e Fier, ku një 71-vjeçar ka plagosur me thikë nipin e tij, djalin e vëllait. Sipas policisë, konflikti dyshohet se ka ndodhur për motive të dobëta.
Menjëherë pas ngjarjes, shërbimet e policisë kanë ndërhyrë dhe kanë arrestuar autorin e dyshuar. Gjatë kontrollit të ushtruar në banesën e tij, uniformat blu kanë gjetur dhe sekuestruar disa fishekë.
“Specialistët e Seksionit për Hetimin e Krimeve të Rënda të Drejtorisë Vendore të Policisë Fier arrestuan shtetasin P. Z., 71 vjeç, banues në Fier, pasi për motive të dobëta ka plagosur me mjet prerës (thikë) djalin e vëllait të tij, shtetasin R. Z., 50 vjeç. Gjatë kontrollit të banesës së shtetasit P. Z. u gjetën dhe u sekuestruan disa fishekë,” njofton policia.
I plagosuri ka marrë ndihmën e nevojshme mjekësore, ndërsa materialet procedurale i janë referuar Prokurorisë për veprime të mëtejshme ligjore
Comments are closed.