Të shtëna me armë zjarri janë raportuar pasditen e kësaj të marte në qytetin e Krumës, në Has, ku një 29-vjeçar ka mbetur i plagosur.
Ngjarja ka ndodhur rreth orës 17:10, në vendin e quajtur “Kryqezi i Spitalit”, ku sipas informacioneve paraprake, dyshohet se gjatë një konflikti për motive të dobëta, është plagosur me armë zjarri në këmbë shtetasi me iniciale J. A., 29 vjeç.
Pas ngjarjes, policia ka identifikuar dhe shpallur në kërkim autorin e dyshuar, shtetasin me iniciale F. D., rreth 30 vjeç.
Krumë/Informacion paraprak
Më datë 08.09.2026, rreth orës 17:10, në vendin e quajtur “Kryqezi i Spitalit”, në qytetin e Krumës, dyshohet se, gjatë një konflikti për motive të dobëta, është plagosur në këmbë, me armë zjarri, shtetasi J. A., 29 vjeç, banues në Krumë.
Shërbimet e Policisë janë vënë në ndjekje të autorit të dyshuar të plagosjes, shtetasit F. D., rreth 30 vjeç.
Grupi hetimor, nën drejtimin e Prokurorisë, po vijon veprimet në vendngjarje për sqarimin e plotë të rrethanave dhe dokumentimin ligjor të rastit.
Comments are closed.