Koeficienti i kriminalitetit në Shqipëri ka shënuar rritje gjatë vitit 2025, duke arritur në 14.94 të akuzuar për 100 mijë banorë, ose 0.24 pikë më shumë krahasuar me vitin paraardhës. Të dhënat janë publikuar në raportin vjetor të Prokurorisë së Përgjithshme, të paraqitur në Kuvendin e Shqipërisë.
Sipas raportit, numri i procedimeve penale gjatë vitit 2025 është rritur me rreth 8.5% krahasuar me një vit më parë, ndërsa është regjistruar një rënie e lehtë e çështjeve të përfunduara.
Tirana rezulton qyteti me nivelin më të lartë të kriminalitetit, duke zënë 36.62% të numrit total të dosjeve për krimet kundër jetës. Pas saj renditen Durrës, Korçë, Shkodër, Fier dhe Vlorë.
Raporti evidenton gjithashtu se krimet në fushën e narkotikëve përbëjnë 29% të rasteve të hetuara, të ndjekura nga veprat penale kundër personit me 23% të procedimeve totale.
Në vendin e tretë renditen procedimet për korrupsion, që përbëjnë 13% të dosjeve të trajtuara nga prokuroritë e rretheve.
Shqetësuese mbetet edhe rritja e krimeve seksuale, të cilat sipas raportit kanë shënuar një rritje prej 9.32% gjatë vitit 2025.
Gjatë hetimeve paraprake, autoritetet kanë kryer përgjime në 356 procedime penale dhe kanë mbajtur nën mbikëqyrje 1,771 pajisje të përdorura nga 1,642 persona.E rende! Prokuroria sapo tha lajmin e keq per Tiranen, lajmi shqetesues qe po ndodh ne kryeqytet
