Të ftuar këtë të diel, 17 maj, në rubrikën “Ka Një Mesazh Për Ty”, Fazilja dhe Lulëzimi nuk e fshehën dot ankthin dhe emocionet e forta. Me sytë e fiksuar te muri vjollcë, çifti i të moshuarve po përpiqej me çdo kusht të gjente se kush kishte marrë rrugën për t’i surprizuar.
Teksa mendja e tyre shkoi menjëherë te fëmijët dhe mbesat artiste që jetojnë në Itali, Ardit Gjebrea ka përfituar nga rasti për të ndezur atmosferën me plot batuta dhe humor.
Kur Lulëzimi pranoi se refuzon të shkojë në Itali, pavarësisht lutjeve të përditshme të djemve, bashkëshortja e tij, Fazilja, ndërhyri menjëherë: Nuk shkon jo, nuk do!.
Kaq ka mjaftuar që Gjebrea të “ngacmojë” të moshuarin me një pyetje pikante që shkaktoi menjëherë të qeshura në studio: Mos ke ndonjë shoqe këtu more, që nuk e lë dot?. Por reagimi i Lulëzimit, nuk ishte ai që pritej…
Fazile: Kemi një çikë stres!
Ardit Gjebrea: Po pse?
Fazile: Sepse nuk e dimë se kush është?
Ardit Gjebrea: Po kush mund të jetë?
Fazile: Vetëm tek fëmijët.
Lulëzim: Ne kemi dy djem, të dy i kemi në Itali. I madhi ka dy djem, i vogli ka dy vajza, bile dy vajzat merren edhe me muzikë atje në Itali. Njëra i bie kitarës, tjetra baterisë edhe këndon.
Ardit Gjebrea: Fantastike! Po ju shkoni shpesh?
Lulëzim: Kam disa kohë që nuk kam shkuar.
Ardit Gjebrea: Pse?
Lulëzim: Për arsye shëndetësore. Më janë lutur djemtë të shkoj dhe më luten përditë!
Fazile: Nuk shkon jo. Nuk do!
Ardit Gjebrea: Po pse?
Fazile: E ka një çik me merak!
Ardit Gjebrea: Mos ke ndonjë shoqe këtu more, që nuk e lë dot!
Fazile: Ndofta! Mos ka ardhur, të paktën iki unë.
Ardit Gjebrea: Po të të ketë ardhur ndonjë shoqe këtu, si i bëhet?!
Lulëzim: Unë kam punuar 43 vjet, kemi edhe shokë edhe shoqe.
Ardit Gjebrea: Do ta shikosh shoqen tënde?
Lulëzim: Unë nuk e di, por po të jetë ajo do të jetë mrekulli e jashtëzakonshme!
Ardit Gjebrea: Opa! tvklan
