Një fluturim i linjës ajrore britanike Jet2 që transportogjatë fluturimit Spnajë-Britaninte 220 pasagjerë nga Tenerife në Birmingham u detyrua të bënte një ulje emergjente në Porto të Portugalisë, pasi piloti pësoi një atak në zemër në 30,000 metra lartësi.
Dëshmitarët përshkruan skena paniku, me asistentë fluturimi që vraponin në korridor për të kërkuar ndihmë mjekësore nga pasagjerët dhe aeroplanin që ulej me shpejtësi nën kontrollin e bashkëpilotit.
Një pasagjer i tha The Sun: “Unë dhe partneri im ishim në gjumë kur na zgjoi kaosi. Dritat filluan të ndizeshin dhe asistentët e fluturimit ishin dukshëm të shqetësuar , duke kërkuar një mjek. Fëmija ynë dyvjeçar filloi të qante, ashtu si shumë fëmijë të tjerë në aeroplan, ndërsa aeroplani po ulej me shpejtësi për ulje emergjente.”
Aeroplani u ul me sukses në aeroportin e Portos. Piloti u dërgua menjëherë në spital, ndërsa pasagjerët u kthyen në Mbretërinë e Bashkuar me ekuipazh të ri dhe një fluturim zëvendësues.
Jet2 tha se nuk kishte “asnjë rrezik për sigurinë e pasagjerëve në asnjë moment” dhe kërkoi falje për ndërprerjen, duke ofruar ndryshime falas në cilindo nga 14 fluturimet e saj për në Mbretërinë e Bashkuar gjatë javës së ardhshme.
