SPAK, në bashkëpunim me Policinë e Shtetit, kanë zhvilluar këtë të premte një operacion të gjerë kundër krimit të organizuar, duke ekzekutuar 20 masa sigurie ndaj personave të dyshuar për trafikim të lëndëve narkotike dhe pastrim parash.
Sipas të dhënave paraprake, hetimet lidhen me një grup të strukturuar kriminal që dyshohet se ka qenë i përfshirë në trafik droge dhe në qarkullimin e shumave të konsiderueshme të parave me origjinë të paligjshme.
Gazetarja Klodiana Lala raporton se në kuadër të këtij operacioni është arrestuar shtetasi me Orest Sota ndërsa tre persona të tjerë, Artur Shehu, Ilir Shtufi dhe Edmond Jaupi, janë shpallur në kërkim.
Operacioni vijon ende, ndërsa pritet që SPAK dhe Policia e Shtetit të japin detaje të mëtejshme mbi rezultatet e aksionit.
Gazetarja Klodiana Lala ka dhënë detaje në lidhje me aksionin e SPAK dhe policisë ku janë firmosur 20 masa sigurie për një grup kriminal, që akuzohet për trafik droge dhe pastrim parash.
Mes personave me masë sigurie arrest me burg është edhe biznesmeni Ilir Shtufi, i cili del edhe në dosjen e Belinda Ballukut, pasi është favorizuar në tenderat e rrugëve.
Një tjetër person me masë sigurie arrest në burg është edhe Artur Shehu, shqiptaro amerikani që është në kërkim dhe po hetohet edhe për tjetërsim pronash.
Ndërsa për biznesmenin Edmond Jaupaj është firmosur masa e arrestit në shtëpi.
“Arrest me burg për Artur Shehun, shqiptaro amerikanin që nuk është arrestuar. Është larguar para shumë vitesh për shkak të konflikteve që kishte me bandën e Zani Caushit. Ky person është duke u hetuar nga SPAK për një skemë masive të tjetërsimit të pronave.
Është firmosur masa arrest në burg për biznesmenin Ilir Shtufi, i cili del edhe në dosjen e ish zv kryeministres Belinda Balluku ku është favorizuar në tenderat e rrugëve, konkretisht në një tender të Unazës së Madhe.
Është firmosur masa arrest shtëpie për Edmond Jaupaj, nuk ka konfirmim nëse është arrestuar ose jo nga policia.
Është ekzekutuar masa për biznesmenin Orest Sota, që është pyetur për skandalin e AKSHI-t. Është shpallur në kërkim dhe nuk ka konfirmim nëse është arrestuar shtetasi Orges Birçaj”, tha ndër të tjera gazetarja Klodiana Lala.
Comments are closed.