Ish-banorja e shumëkomentuar e Big Brother VIP Albania 3, Françeska Murati, ka festuar mbrëmjen e djeshme ditëlindjen e saj në një festë private që ka mbledhur pranë saj miq dhe personazhe të njohur të showbizit shqiptar.
Mes të ftuarve është parë edhe Meriton Mjekiqi, ndërsa pamje të shumta nga festa janë shpërndarë në rrjetet sociale, duke marrë menjëherë vëmendjen e ndjekësve.
Megjithatë, një moment i veçantë duket se ka bërë më shumë bujë se çdo gjë tjetër. Në një video të publikuar nga vetë Françeska, ajo shihet duke festuar nën ritmet e muzikës live, teksa në një moment hedh në tokë një tufë të madhe kartëmonedhash.
Pamjet tregojnë ish-banoren duke e shijuar në maksimum atmosferën festive, ndërsa vazhdon të kërcejë dhe të këndojë e buzëqeshur mes të ftuarve.
Videoja është komentuar gjerësisht në rrjet, me shumë ndjekës që kanë vënë në dukje stilin luksoz të jetesës që Françeska ka shfaqur prej vitesh në publik.
Edhe gjatë qëndrimit të saj në Big Brother VIP Albania 3, ajo u kthye shpesh në qendër të diskutimeve për paraqitjet e saj me veshje të markave të njohura dhe kombinime që konsideroheshin mjaft të kushtueshme.
Kështu, edhe këtë herë, Françeska ka arritur të tërheqë vëmendjen e rrjeteve sociale, me një video që po qarkullon me shpejtësi dhe po ngjall reagime të shumta nga ndjekësit e saj.
Comments are closed.