Kryeministri izraelit Benjamin Netanyahu u paraqit mbrëmjen e së martës në Spitalin Hadassah, Ein Kerem, pranë Jerusalemit, për një vizitë të lidhur me kujdesin dentar,
sipas njoftimit zyrtar nga zyra e tij. Ky informacion u publikua pasi mediat izraelite raportuan për praninë e tij në spital.
Shëndeti i 76-vjeçarit Netanyahu ka qenë shpesh në qendër të vëmendjes. Vetëm muajin e kaluar, ai bëri të ditur se i ishte nënshtruar me sukses radioterapisë për kancerin e prostatës në fazë të hershme, duke shtuar se publikimi i raportit u vonua për dy muaj për arsye sigurie, për të shmangur përdorimin e tij nga Irani në propagandë gjatë periudhës së luftës.
Netanyahu ka pasur edhe ndërhyrje të tjera mjekësore vitet e fundit, në korrik 2023 një ndërhyrje në zemër, ndërsa në vitin 2024 iu nënshtrua një operacioni në prostatë. Këto zhvillime kanë bërë që gjendja e tij shëndetësore të monitorohet nga afër nga mediat dhe opinioni publik në Izrael.
