Një ngjarje e rëndë ka ndodhur mbrëmjen e së dielës në Rahovec të Kosovës, ku një i mitur raportohet se është gjetur i pajetë pranë shtëpisë së tij. Paraprakisht dyshohet se i mituri është qëlluar për vdekje me armë zjarri, pasi mjekët kanë konstatuar plagë në trupin e tij që dyshohet të jenë shkaktuar nga të shtënat me pistoletë.
Sakaq bëhet me dije se viktima është dërguar për trajtim mjekësor, ku mjekët kanë konstatuar vdekjen e tij, ndërsa trupi i është nënshtruar ekspertizës e cila pritet të zbardhë rrethanat e ngjarjes.
“Njësitë e nevojshme policore menjëherë kanë dalë në vendin e ngjarjes, përderisa viktima është dërguar për trajtim mjekësor, ku mjekët kanë konstatuar vdekjen e tij. Si provë materiale, në vendin e ngjarjes është gjetur dhe sekuestruar një armë zjarri. Në konsultim me Prokurorin e Shtetit, është iniciuar rast “Hetim i vdekjes”, ndërsa trupi i viktimës dërgohet në IML” ka njoftuar policia vendase.
Po ashtu bëhet me dije se në vendngjarje është gjetur dhe një armë zjarri me të cilën dyshohet të jetë vrarë i mituri. Deri më tani rrethanat e ngjarjes mbeten të paqarta, ndërsa autoritetet vendase janë vënë në lëvizje për të zbardhur tragjedinë.
Njoftimi i Policisë:
Rreth orës 20:35, jemi njoftuar se në fshatin Bellacerkë të Rahovecit, në vendbanimin e tij është gjetur një i mitur i shtrirë, me plagë që dyshohet të jetë shkaktuar nga arma e zjarrit.
Njësitë e nevojshme policore menjëherë kanë dalë në vendin e ngjarjes, përderisa viktima është dërguar për trajtim mjekësor, ku mjekët kanë konstatuar vdekjen e tij. Si provë materiale, në vendin e ngjarjes është gjetur dhe sekuestruar një armë zjarri. Në konsultim me Prokurorin e Shtetit, është iniciuar rast “Hetim i vdekjes”, ndërsa trupi i viktimës dërgohet në IML.
Aktualisht, në koordinim me Prokurorin e Shtetit, njësitë përkatëse policore janë duke ndërmarrë veprimet e nevojshme hetimore, me qëllim të sqarimit të plotë të rrethanave të rastit.
Comments are closed.