Tre persona kanë mbetur të plagosur si pasojë e një aksidenti rrugor që ka ndodhur në orët e para të mëngjesit të kësaj të shtune në zonën e Porto Palermos, pranë Himarës. Makina me të cilën ata udhëtonin është përmbysur në rrugë.
Siç shihet dhe nga kjo fotografi nga vendngjarja, drejtuesi i mjetit dyshohet se ka humbur kontrollin dhe është përplasur me bordurat anësore të rrugës, duke u përmbysur më pas në mes të saj.
Shërbimet e Policisë së Shtetit janë njoftuar për aksidentin dhe kanë mbërritur menjëherë në vendngjarje, pranë Porto Palermos, ku kanë konstatuar tre persona të plagosur dhe menjëherë, në bashkëpunim me ambulancën, është bërë dërgimi në spital.
Gjendja e tyre shëndetësore nuk dihet ende, ndërsa grupi hetimor vijon punën për sqarimin e rrethanave të rastit dhe përcaktimin e shkaqeve e dinamikës së aksidentit me tre të plagosur në Porto Palermo.
Comments are closed.