Kryeministri Edi Rama ka reaguar ndaj protestave dhe kërkesave për dorëheqjen e tij, duke dënuar aktet e dhunës dhe duke akuzuar protestuesit e përfshirë në përplasje se synojnë shkatërrimin dhe jo paqen.
Ndërsa studentët i kërkojnë largimin nga detyra, Rama vazhdon ti sulmojë, duke i konsideruar ata si pengje te nje ideologjie te re qe ka synimin te shkaterroje.
“Po përballeni me një valë dhunë që nuk ka të bëjë aspak me asnjë nga arsyet që janë legjitime, të qytetarëve në një vend të lirë dhe demokratike, për të pasur pakënaqësi dhe për të kërkuar më shumë nga qeveria.
Kam ardhur prapë me këtë me vete (gur) sepse vërtet duhet ta peshosh dhe sa i shtohet pesha kur vjen në drejtimin e njerëzve me uniformë dhe se çfarë mund të bëjë mbi këto. Me këtë nuk negociohet dhe me këto që vendos përpara këtë nuk negociohet.
Në momentin kur shteti negocion me këtë shteti ka rënë, në momentin kur fiton ky, logjika bëhet vetë shteti. E ka Shqipëria këtë, dhe pasojat e këtij janë plagë që duan vite për tu shëruar. Djemtë që i bashkohen këtij, në thelb nuk duan paqe, por përmbysje. Janë pengje të një ideologjie të re, që ka vetëm një mision, shkatërro, bëhen rrafsh që ta ndërtojmë nga e para”, tha Rama ne takimin me strukturat policore.
