Tiranë- Të shtëna me armë zjarri janë regjistruar në orët e para të mëngjesit të sotëm pranë një kantieri ndërtimi në zonën e Farmacisë 10.
Burimet bëjnë me dije se autori është konfliktuar me menaxherin e firmës së kantierit, i cili ka mbetur lehtë i lënduar gjatë ngjarjes.
Pas të shtënave, autori është larguar nga vendngjarja. Policia ka mundur ta identifikojë dhe ka ngritur pika kontrolli në zona të ndryshme, me qëllim kapjen e tij.
Paraprakisht, dyshohet se ngjarja ka ardhur pas një konflikti të çastit për motive banale.
Policia vijon kontrollet për lokalizimin dhe arrestimin e autorit, ndërsa po punohet për zbardhjen e plotë të rrethanave të ngjarjes.
Comments are closed.