Kandidatja demokrate për Kongresin, Bernadette Greene-Placentia, ka deklaruar se është sulmuar seksualisht në një parking në Sun City, teksa po riparonte tabelat e fushatës gjatë natës. Sipas dëshmisë së saj, ngjarja ka ndodhur më 14 gusht. Greene-Placentia tha se është goditur dhe ka humbur ndjenjat, ndërsa kur është zgjuar ka parë një burrë mbi të.
Kandidatja e raportoi ngjarjen në Zyrën e Sherifit rreth dy javë më vonë. Autoritetet kanë konfirmuar se hetimi vijon, ndërsa nuk janë bërë të ditura detaje mbi identitetin e personave të dyshuar. Greene-Placentia tha se pas sulmit u tërhoq për dy ditë nga aktivitetet publike dhe nuk mori pjesë në një aktivitet elektoral. Ajo nuk iu drejtua mjekut dhe nuk iu nënshtrua një ekzaminimi për sulm seksual.
Kandidatja deklaroi se kujtimet e saj për ngjarjen janë të pjesshme dhe se nuk ka mundur të shohë qartë autorët. Ajo i përshkroi ata si dy burra të bardhë dhe tha se njëri mund të ketë bërë një koment për politikën, të shoqëruar me një ofendim seksist. Rivali i saj republikan, Abraham Hamadeh, ka kërkuar një hetim të plotë, përfshirë kontrollin e pamjeve të kamerave të sigurisë. Greene-Placentia tha se vendosi të flasë publikisht për të mbështetur gratë viktima të sulmeve seksuale, pavarësisht frikës se rasti mund të interpretohet si një lëvizje politike.”Më përdhunuan teksa po…”/SHOKON rrjetin kandidatja demokrate për Kongresin!
Comments are closed.