një ngjarje e rëndë është regjistruar në shtetin amerikan të Gjeorgjias, ku pesë persona janë gjetur të pajetë brenda një banese. Të gjitha viktimat kishin plagë të shkaktuara nga armë zjarri.
Policia u njoftua gjatë orëve të vona të natës për të shtëna në një shtëpi në Robin Lane, në pjesën jugore të zonës Touchton Woods.
Menjëherë pas telefonatës, disa patrulla u nisën drejt adresës së raportuar. Kur efektivët hynë në banesë, gjetën pesë persona të qëlluar.
Ekipet e emergjencës nuk mundën të bënin asgjë për t’i shpëtuar dhe vdekja e të pestëve u konstatua në vendngjarje.
Nga të dhënat paraprake të hetimit, autoritetet dyshojnë se bëhet fjalë për një vrasje të shumëfishtë të ndjekur nga vetëvrasja e autorit.
Sipas kësaj piste, një burrë dyshohet se ka hapur zjarr ndaj katër personave të tjerë që ndodheshin në rezidencë, duke i vrarë. Më pas ai dyshohet se e ka drejtuar armën ndaj vetes dhe i ka dhënë fund jetës.
Policia nuk ka bërë ende të ditur identitetet e viktimave dhe as marrëdhënien që ata kishin me njëri-tjetrin.
Motivi që mund të ketë çuar në tragjedi mbetet gjithashtu i paqartë.
Hetuesit po punojnë për të rindërtuar minutat përpara të shtënave dhe për të përcaktuar rrethanat e plota të ngjarjes. Autoritetet kanë bërë të ditur se hetimi vazhdon.
Comments are closed.