Gazetari Elton Tozaj ka publikuar në rrjetet sociale disa mesazhe private që, sipas tij, ka shkëmbyer me poeten Mimoza Ahmeti, pas një debati mes tyre lidhur me protestat që po zhvillohen në Shqipëri.
Nga biseda e shpërndarë në Instagram, duket se Tozaj i ka kërkuar Ahmetit të shprehë solidaritet me protestuesit, duke i kujtuar mbështetjen që ka marrë nga publiku shqiptar, veçanërisht gjatë pjesëmarrjes së saj në “Ferma VIP”.
“Po për Shqipërinë, o Moza, a ke ndonjë fjalë? Se aty e fitove Fermën, nuk e fitove në Francë. Kjo që je sot, prej popullit shqiptar je. Pak solidaritet nuk bën dëm”, i shkruan ai.
Përgjigjja që shfaqet nga llogaria e Mimoza Ahmetit është e shkurtër: “Shiko si po digjet bota dhe kupto”.
Tozaj vijon duke i kërkuar që të tregojë më shumë vëmendje ndaj situatës në vend, ndërsa Ahmeti i përgjigjet: “Ta shpjegon ky sipër se dhe atje po digjet”, duke iu referuar një materiali të dërguar gjatë bisedës.
Debati bëhet më i drejtpërdrejtë kur gazetari e akuzon poeten për mungesë mirënjohjeje ndaj mbështetjes së publikut. Nga ana tjetër, në mesazhet e publikuara, Ahmeti shkruan: “Vendi nuk digjet, as shtëpia”.
Por shkëmbimi nuk përfundon me kaq. Në një tjetër fotografi të bisedës, të publikuar më pas nga Tozaj, shfaqet një përgjigje që i atribuohet poetes:
“Vazhdoni të jem obsession i juaj, sepse vërtet përbëj”, ndërsa më tej shton: “Merr like me mua”.
Gazetari i është përgjigjur me ironi, duke i shkruar: “Qyqa, like nga ty?” dhe më pas: “Ule delirin e madhështisë, Moza”.
Krahas fotografisë së bisedës, Tozaj ka bërë edhe një koment të ashpër ndaj poetes: “Të pjerdhë gjithë kjo mendje kështu, se di dmth!”.
Mesazhet e publikuara tregojnë një përplasje qëndrimesh mes gazetarit dhe poetes për reagimin ndaj protestave dhe përgjegjësinë që kanë figurat publike për të shprehur qëndrimin e tyre.
Biseda është bërë publike vetëm nga Elton Tozaj, ndërsa deri tani nuk ka një reagim të veçantë publik nga Mimoza Ahmeti lidhur me publikimin e këtyre mesazheve.“Të p*erdhë gjithë kjo mendje kështu”/ Gazetari nxjerr mesazhet me Mimoza Ahmetin pas debatit për protestat
