Brenda pak orësh pas tensioneve të ndodhura para Kryeministrisë, ku studentë e pedagogë refuzuan ftesën e Ramës për dialog, kryeministri ka reaguar duke përsëritur se është i gatshëm të zhvillojë bisedime me këdo që është i gatshëm për të dialoguar.
“Dorëheqje! Poshtë diktatura! Poshtë komunizmi!
Nuk duam dialog! Këto janë thirrjet e pedagogëve dhe intelektualëve të mbledhur këtu poshtë”, shprehet Rama në video-mesazhin e publikuar pasditen e sotme.
Ndonëse studentë dhe pedagogë i refuzuan kërkesën për dialog duke përmbysur karriget që u vendosën sot në mëngjes para Kryeministrisë, sipër të cilave shkruhej dialog, Rama sërish vijon të ftojë të rinjtë që dakordësohen që të ulen dhe të flasin për të gjetur një zgjidhje.
