Hijet e stuhisë popullore po afrojnë, ndërsa ankthi i humbjes së pushtetit ka mbërritur në majat më të larta të kabinetit qeveritar. Pasi dita e dëntë e protestave të rinisë dhe studentëve shënoi kthesën e madhe historike, një dallgë njerëzore që kërcënon të marrë përpara çdo pengesë, burime konfidenciale nga brendia e Kryeministrisë bëjnë me dije një zhvillim dramatik dhe të paprecedentë.
Kryeministri Edi Rama, i kapur nga paniku i një rrëzimi të pashmangshëm nga froni, ka dhënë urdhrin emergjent për mobilizimin e ushtrisë. Në kushte sekreti të rrepta, forcat ushtarake kanë nisur pastrimin dhe përgatitjen e tuneleve ushtarake të Dajtit. Aty po vendosen krevate, orendi luksoze dhe sisteme mbrojtjeje për të strehuar udhëheqjen e korruptuar të pushtetit, në rast se revolta shpërthen brenda dyerve të kryeministrisë.
Por të jesh, apo të mos jesh, kjo është çështja?! A është më e fisshme të durosh në heshtje përbuzjen, urrejtjen dhe fatin e një populli të tradhtuar, apo të marrësh “armët” (ushtrosh dhunë) kundër një deti qytetarësh që protestorjnë kundër qeverisë dhe t’u japësh fund me arrati? Në korridoret e errëta të kryeministrisë, hapat e Ramës kumbojnë si trokitje fati. Frika nga zemërimi i rinisë e ka shndërruar pushtetin nga një kështjellë triumfi në një kafaz ankthi. Ashtu si Hamleti që shihte fantazmat e fajit të tij, oborri qeveritar sot sheh te çdo student i ngritur në shesh ekzekutorin e korrupsionit të tyre shumëvjeçar.
Dajti, mali që dikur qëndronte si roje e kryeqytetit, sot po shndërrohet në strofullën e fundit të një kabineti të tmerruar. Kamionët ushtarakë ngjiten në natë, duke transportuar mobilje e pajisje për të ndërtuar një “bunker luksi” nëntokësor, një kështjellë hije, ku pushtetarët e korruptuar me në krye Edi Ramën shpresojnë t’i shpëtojnë gjyqit të rrugës. Ndërkohë dje dita e nëntë e protestës nuk ishte më purtekë shprese, por një uragan që po shemb çdo mur propagande. Studentët dhe rinia shqiptare kanë treguar se nuk ka më kthim prapa.
Zëri i tyre po dridh bazamentet e një regjimi të konsumuar, ndërsa ideja e arratisë nëntokësore zbulon fytyrën e vërtetë të pushtetit: një mbretëri që po shembet nga frika e vetvetes. Nata në Dajt po bëhet e gjatë, por drita e revoltës rinore mbi Tiranë po zbardh me një forcë që as tunelet më të thella ushtarake nuk do të mund ta ndalin dot. SOT.COM.AL
Tmerri kapërcen malin, Rama urdhëron ushtrinë të pastrojë tunelët e Dajtit nga frika e revoltës studentore
