Mbretëria e Bashkuar ka prezantuar një model të ri për lejeqëndrimin e përhershëm, duke i dhënë fund përfitimit pothuajse automatik pas 5 vitesh dhe duke kushtëzuar kohën e pritjes me kontributin, të ardhurat dhe karakterin e migrantëve.
Sipas rregullave të reja, personat me të ardhura të larta mund të vendosen brenda 3 viteve, ata me paga mbi 50,271 £ dhe punonjësit e shërbimit publik e fitojnë pas 5 vitesh, ndërsa të tjerët do të duhet të presin 10 vite (ose deri në 20-30 vite për shkelësit e rregullave dhe ata që hyjnë në rrugë të parregullta),
duke plotësuar gjithashtu kushte të panegociueshme si dosja e pastër penale, niveli i lartë i gjuhës angleze dhe mungesa e borxheve ndaj taksapaguesve. X-Media
