Një përplasje e fortë verbale mes kryeministrit Edi Rama dhe ish-zv.kryeministres Belinda Balluku raportohet të ketë ndodhur javën e kaluar në Kryeministri.
Sipas gazetarit, Basir Çollaku, mes dy figurave të Partisë Socialiste ka pasur një debat me tone të ashpra.
Sipas Çollakut, shkak i përplasjes dyshohet të jetë bërë kërkesa e Ramës që Balluku të ndikonte te rreth 20 deputetë socialistë, të cilët për shkak të problematikave të ndryshme ligjore apo të imazhit, të largoheshin nga mandati dhe të zëvendësoheshin me emra të tjerë.
Kjo lëvizje, sipas gazetarit, synonte të përcillte një mesazh vetëpastrimi nga ana e Partisë Socialiste, veçanërisht në qarqet Fier, Elbasan dhe Durrës.
Por Balluku, sipas pretendimeve, ka kundërshtuar kategorikisht këtë kërkesë, duke i kujtuar kryeministrit peshën e saj politike dhe mbështetjen që pretendon se ka brenda grupit parlamentar socialist.
Lexo edhe:
VIDEO/ Policia gjobit protestuesin në Tiranë edhe pse tubimi ishte i qetë
“Zegjine, Zegjine mos e gëzo shtëpinë e re”/ Studentëtë ironizojnë deputetët e PS-së
Në reagimin e tij, gazetari pretendon se gjatë debatit Balluku i është drejtuar Ramës me tone të ashpra, duke i bërë të qartë se nuk do të largohej e vetme nga skena politike dhe se nuk do të pranonte të diktohej nga kryeministri.
Reagimi i plotë:
Balluku Rama “sherr” në Kryeministri?!
Duket se numri 1 dhe numri 2 në PS dhe qeveri nuk janë sanksionuar se cili turn është njëri dhe cili tjetri vendimmarrës.
Balluku apo Rama
Një “përplasje” verbale në Kryeministri mes kryeministrit dhe zëvëndës së tij tashmë të pandehur thuhet se ka ndodhur mesjavën e shkuar.
Burime brenda katit të debatit, thonë se tonet kanë qenë fort të larta.
Mësohet se Rama ka kërkuar ndikimin e zëvëndeses së tij që rreth 20 deputetë me cene, të vetëlargohen. Të dorëhiqen. Kjo për të sjellë të tjerë edhe anonimë mbase edhe me më pak ose pa ngarkesa penale apo imazhi. Për të përcjellë kështu mesazhin se po vetëpastrohet. Kryesisht në qarqet Fier, Elbasan, Durrës. Por Balluku ka reaguar ashpër. Refuzimi i saj ka qenë radikal.. në asnjë mënyrë nuk ka pranuar. Mësohet të ketë thënë se unë kam 44 deputetë, ti nuk ke më shumë se 35 të tillë. Prandaj mos u përpiq se të kthej në kohën e para zgjedhjeve të 2025. Dhe nuk ke se çfarë të më bësh asgjë. Ta kam thënë njëherë. Unë nuk iki vetëm.. Dhe atë që dua do ta marr.. Historia nuk përsëritet..
Ndoshta kjo javë ka sjellë edhe veprime të nxehta mes grupit socialist..
Debati mes deputetëve dhe funksionarëve socialistë rilindas, duket se ka zbritur në SPAK, ku dueli do të sjellë viktima në një anë dhe amnisti në tjetrën??!
Beteja sapo ka nisur!
