Hijet e SPAK dhe Elbasani, Aulona Bylykbashi digjet nga sekuestrimi i telefonit nga BKH
Kryeministri Edi Rama po mendon për listen e kandidatëve të zgjedhjeve lokale. Në një situatë ku PS po zien nga përplasjet e brendshme, kryeministri ka vendosur vetëm një rregull për kandidatët e rinj: Nuk do më probleme, qoftë politike dhe kryesisht nga SPAK.
Në kushte të tilla, një pjesë e kandidatëve potencialë mund të digjen. Benet Beci në Shkodër me shumë mundësi nuk do të rikandidojë për shkak të probleme me ligjin, po ashtu një tjetër emër si Kristian Shkreli mund të mbetet pas, për shkak të pretencës së SPAK.
Elbasani mbetet një ndër Bashkitë që po kërkohet më shumë. Zërat se dy deputetet e PS, Sara Mile dhe Aulona Bylykbashi e duan drejtimin e qytetit, nuk janë më thashetheme korridorësh. E para, duket se mori goditjen e parë nga SPAK për shkak të thirrjes nga SPAK. Rama e preferon, por nuk do të rrezikojë.
Bylykbashi po ashtu ka një llogari të hapur me Prokurorinë e Posacme. Ajo mbetet në lupën e hetuesve të BKH dhe prokurorëve të SPAK për shkak të sekuestrimit të telefonit gjatë kohës që ishte nënkryetare bashkie. Zërat janë që mund të ketë rithirrje për nënkryetaren e Bashkisë për shkak të aferave të denoncuara nga ana e opozitës. Tendera që janë përgojuar dhe kanë qenë me “red flag” gjatë kohës kur ishte pjesë e administratës së Bashkisë.
Bylykbashi e dëshiron rikthimin në Bashki, por duke parë situatën aktuale, gjasat janë të vështira, për shkak se Rama nuk dëshiron më zyrtarë që njohin, apo kanë njohur dyert e Prokurorisë së Posacme. Në kushte të tilla, kryeministri duket se ka rrëzuar dhe kandidaturën e zonjës Mile dhe Bylykbashi. Ende e paqartë se kush do të kandidojë në Elbasan.
Burimi petravu.com