Gjykata e Durrësit i ka rrëzuar kërkesën për gjykim të shkurtuar 57-vjeçarit Nikoll Radaçi, autor i aksidentit fatal që la të vdekur dy fëmijë,
Dy fëmijët dhe i mituri tjetër ndodheshin në trotuar kur u përplasën nga makina me shpejtësi të lartë që drejtohej nga Radaçi.
Gjykata ka rrëzuar gjithashtu si të papërdorshëm procesverbalin e marrjes së mostrës së gjakut dhe aktin e ekspertimit toksikologjik-ligjor.
Aktet ishin kërkuar nga mbrojtja me pretendimin se analizat provonin se 57-vjeçari nuk kishte qenë nën efektin e alkoolit në momentin e aksidentit, ndryshe nga ç’pati deklaruar policia pas arrestimit të tij.
Gjykata ka vendosur edhe pushimin e akuzës për veprën penale të drejtimit të automjetit në mënyrë të parregullt, pasi kjo vepër është përfshirë në amnistinë penale të këtij viti.
57-vjeçari do të gjykohet për veprën penale të shkeljes së rregullave të qarkullimit rrugor, me pasojë vdekjen e dy fëmijëve dhe plagosjen e një tjetri.