Shtohet rivaliteti për postin e kryeministrit të qeverisë teknike së Shqipërisë së re, pra për karrigen e Edi Ramës. Përpos profesor Pëllumb Pilinçit, ish ministrit të Jashtëm Ditmir Bushati, ish ministres së Jashtme, Elisa Spiropali, ambicie për postin e kryeministrit ka shprehur publikisht edhe hoxha influencer dhe showman Ahmed Kalaja, i cili operon te xhamia ‘Dine Hoxha’. Përmes një portimi në Instagram, hoxha e ka vendosur veten në foltoren e Kuvendit, me sa duket duke mbajtur një fjalim politik imagjinar, ndërsa shtron pyetjen se si do t’a shihte publiku një besimtar si ai në post drejtues.
Por, hoxha duket se është penduar ose është frikësuar nga demostrimi i ambicies për udhëheqës, pasi e ka fshirë pas disa minutash postimin. Teksa shkruan se priste komente me padurim, Ahmed Kalaja befas e ka fshirë postimin, veprim i cili gjithsesi nuk e fshin dot ambicien e tij për t’u përfshirë në politikë dhe pse jo për t’i zënë vendin Edi Ramës. Ndoshta hoxha do t’a shpallë ambicien e tij politike në një moment tjetër, pasi të marrë drejtim një dosje e tij në Prokurorinë e Tiranës për pengimin e drejtësisë për të vendosur para përgjegjësisë penale një grup që akuzohet për veprën penale “nxitja e urrejtjes ose grindjeve“.
Në një kohë kur Pilinçi dhe Bushati kishin avancuar duke ‘formuar’ kabinetet e tyre qeveritare, Spiropali hodhi disa ditë më parë idenë e një “Marrëveshjen e Re për Shqipërinë”, e ngjashme me “Shqipërinë e re”. Madje Spiropali e bëri fakt të kryer “Marrëveshjen e Re”, duke iu imponuar Edi Ramës dhe bashkuar revolucionit. Zonja Spiropali ka vendosur t’u bashkohet flamingove, të cilat si për ironi kërkojnë rrëzimin e një pushteti, pjesë e të cilit ishte pikërisht Spiropali deri para disa javësh, madje e përdori këtë pushtet për të përlarë para dhe prona publike.
Fillimisht ishte Sali Berisha, i cili 13 vite më parë shpalli revolucionin e tij paqësor për qeveri teknike. Përmes këtij revolucioni, Berisha bëri plaçkë. Vetëm disa ditë më parë një prestanome i Shkëlzenit mori nga qeveria kullën te Pallati i Kongreseve.
Ndërkaq, disa javë më parë, profesor Pëllumb Pilinçi krijoi “Qeverinë Teknike të Shqipërisë me Kufij Natyror”, e cila i dërgoi një letër zyrtare kryeministrit Edi Rama, duke i kërkuar të lirojë ambientet e Kryeministrisë brenda 7 ditësh.
Krahas ‘qeverisë teknike’ të Pilinçit, një qeveri tjetër teknike u shpall nga i ashtuquajturi ‘Revolucioni i flamingove’, me ‘kryeministër’ gazetarin Marin Mema. Por teksa Marin Mema reagoi duke mohuar kategorikisht çdo përfshirje në skenarë apo propozime të tilla, një tjetër personazh është vetëshpallur si i përzgjedhur i ndërkombëtarëve për kryeministër i qeverisë teknike, duke sfiduar hapur profesor Pilinçin.
Bëhet fjalë për ish ministrin e Jashtëm, Ditmir Bushati, i cili dikur i mbante çantën Ermelinda Meksit. Bushati lëviz rrugëve dhe mejhaneve të Tiranës me një çantë në dorë, duke pretenduar se të huajit e kanë caktuar atë kryeministër të qeverisë teknike që do të diktojë ‘Revolucioni e flamingove’, të cilit së fundmi i është bashkuar edhe neomalësorja. Kjo e fundit istruktohet dhe ia diktojnë postimet kundër Ramës pikërisht Bushati, Spiropali dhe ndonjëherë edhe ambasadori në largim i Bashkimit Evropian, Silvio Gonzato.
Të gjitha përpjekjet për krijimin e disa qeverive në hije morën një goditje së fundmi nga Edi Rama, i cili shpalosi platformën “Besa”. Rama ka 13 vite që ia kanë dhënë besën për të qeverisur, por publikimi i dokumentit konfirmon se jo vetëm që nuk ka ndërmend të japë dorëheqjen siç kërkon revolucioni tashmë i shkrehur në bulevard, por po mendon për mandatin e pestë. shkroi eskluzive
