Një aksident me pasojë vdekjen është regjistruar pasditen e sotme në Ksamil, në vendin e quajtur “Pema e Thatë”.
Sipas informacioneve paraprake, drejtuesi i një furgoni, shtetasi Antonio Mateli rreth 20 vjeç, banues në Ksamil, ka humbur jetën rrugës për në spital.
Mësohet se ai nuk ka mundur t’i mbijetojë plagëve të marra në aksident.
Burime bëjnë me dije se ngjarja ka ndodhur rreth një orë më parë, ndërsa në vendin e aksidentit kanë mbërritur forca të shumta policie, të cilat po punojnë për zbardhjen e rrethanave dhe dokumentimin e plotë të saj.
