Një aksident i rëndë ka ndodhur pasditen e sotme në aksin rrugor Elbasan-Përrenjas, ku dy automjete janë përplasur me njëra-tjetrën.
Sipas informacioneve paraprake, nga përplasja kanë mbetur të lënduara dy vajza, të cilat udhëtonin në njërin prej mjeteve. Ato janë transportuar me urgjencë drejt spitalit për të marrë ndihmën e specializuar mjekësore.
Si pasojë e aksidentit, në zonë është krijuar trafik i rënduar, ndërsa qarkullimi i automjeteve ka qenë i bllokuar për rreth 40 minuta.
Forcat e policisë kanë mbërritur menjëherë në vendngjarje dhe po punojnë për zbardhjen e shkaqeve dhe rrethanave të aksidentit.
