Një ngjarje e rëndë ka ndodhur pasditen e kësaj të premteje në fshatin Livoç, në Gjilan të Kosovës ku një burrë dhe një grua janë qëlluar me armë zjarri. Paraprakisht dyshohet se burri ka vrarë gruan dhe mikun e tij, në rrethana të paqarta.
Ndërsa raportohet se kanë mbetur të plagosur tre persona të tjerë. Dyshimet e para janë se ngjarja ka ndodhur pas kërkesës për divorc nga ana e gruas.
Në vendngjarje kanë dalë forca të shumta policie të cilat po punojnë për zbardhjen e plotë të rastit.
Në lidhje me ngjarjen e rëndë ka reaguar dhe vetë Policiia e KLosovës e cila konfirmon se viktimat janë një person i gjinisë mashkullore, rreth 30-vjeçar, i cili është gjetur brenda një veture dhe një femër rreth 30-vjeçare, e cila dyshohet se po ashtu është vrarë nga arma e zjarrit nga i njëjti i dyshuar.
Ndërsa bëhet me dije se autori i ngjarjes është vetëdorëzuar dhe efektivët kanë sekuestruar armën e përdoru në krimin e dyfishtë.
“Sot, më 09.10.2026, rreth orës 14:25, Policia e Kosovës, përkatësisht Stacioni Policor në Gjilan, ka pranuar një informatë lidhur me të shtëna me armë zjarri në fshatin Livoç i Ulët, në Komunën e Gjilanit.
Menjëherë pas pranimit të informatës, në vendin e ngjarjes kanë dalë njësitë relevante policore, si dhe dy prokurorë të Shtetit, me ç’rast është konstatuar se bëhet fjalë për një incident të rëndë, ku dyshohet se nga arma e zjarrit është vrarë një person i gjinisë mashkullore, rreth 30-vjeçar, i cili është gjetur brenda një veture. Po ashtu ne vendin e ngjarjes ka dal edhe Drejtori i DRP,Gjilan.
Në Spitalin e Përgjithshëm në Gjilan është sjellë pa shenja jete një person i gjinisë femërore, rreth 30-vjeçare, e cila dyshohet se po ashtu është vrarë nga arma e zjarrit nga i njëjti i dyshuar.
Ndërkohë, një person tjetër, i cili ka pësuar lëndime nga arma e zjarrit, pas marrjes së ndihmës së parë në Emergjencën e Spitalit të Përgjithshëm në Gjilan, është transferuar në Qendrën Klinike Universitare të Kosovës (QKUK), për trajtim të mëtejshëm mjekësor.
Sipas informatave fillestare, dyshohet se në mes të të dyshuarit dhe viktimave ekziston një lidhje familjare. Deri në këtë fazë të hetimeve, motivi që ka çuar në këtë ngjarje të rëndë ende nuk dihet.
I dyshuari është vetëdorëzuar, ndërsa gjatë veprimeve policore është sekuestruar edhe një armë zjarri, e cila dyshohet se është përdorur në rast.
Policia e Kosovës, në koordinim me Prokurorin e Shtetit dhe njësitë relevante hetimore, është duke ndërmarrë veprimet e nevojshme hetimore me qëllim të sqarimit të plotë të rrethanave të ngjarjes, përcaktimit të motivit dhe dokumentimit të rastit.”, njofton Policia.
Comments are closed.