Dy ngjarje të rënda kanë ndodhur pasditen e sotme, përkatësisht në Jalë dhe në Himarë.
Sipas raportimeve një 74-vjeçar ka ndërruar jetë, teksa një 28-vjeçare ka tentuar të kryejë vetëvrasje. Në rastin e parë, i moshuari me inicialet F.A. ka humbur jetën pasi dyshohet se është rrëzuar në banesën e tij, në zonën e Jalës.
Nga ana tjetër, e reja nga Himara dyshohet se ka konsumuar një sasi medikamentesh në kushte të rënduara psikologjike.
Ajo është transportuar drejt Spitalit Rajonal të Vlorës, ku po merr ndihmë mjekësore.
Policia po punon për sqarimin e plotë të rrethanave të të dyja rasteve.
