Një ngjarje e rëndë ka ndodhur mbrëmë vonë në Igumenicë. Një 27-vjeçar ka telefonuar policinë dhe ka raportuar se ai dhe partnerja e tij ishin sulmuar. Ai njoftoi gjithashtu se 25-vjeçarja kishte ndërruar jetë.
Policia shkoi menjëherë në vendngjarje. Aty gjeti të renë të vdekur. Sipas informacioneve të para, trupi i saj kishte plagë që dyshohet se janë shkaktuar nga thika. Burri u gjet pranë vendit, i fshehur në bimësi të dendur. Ai pretendonte se edhe vetë ishte rrahur dhe sulmuar. Por gjatë kontrollit të parë, policët nuk konstatuan asnjë dëmtim të jashtëm apo shenja dhune në trupin e tij.
27-vjeçari u dërgua fillimisht për ndihmë mjekësore. Më pas pritet të shoqërohet në Drejtorinë e Policisë, ku do të merret në pyetje për të sqaruar rrethanat e vdekjes së partneres.
Comments are closed.