E trîshte, njofton humbjen e babait, Kryetarja..

Ardita Sinani, kryetarja e Komunës së Preshevës, njofton se në orët e para të mëngjesit të kësaj të hëne ka ndërruar jetë babai i saj, Jakup Iljazi. Ajo thotë se nga të dy prindërit, për shumë vite i ati ishte i vetmi që i kishte mbetur gjallë.

“Me zemër të thyer e me dhimbje të thellë ju njoftoj që para pak çastesh, babai im, Jakup Iljazi ndërroi jetë. Nga të dy prindërit, për shumë vite më kishte mbetur gjallë vetëm babai. Duke qenë kështu njeriu më i rëndësishëm që më dha dorën në çdo moment.

Të pamjaftueshme janë fjalët për ta përshkruar dhimbjen e sotme. E nuk ekzistojnë fjalët për të të falënderuar për prindin që ishe, e shumë shpesh ishe miku im më i sinqertë. Dritë të pastë shpirti, i dashuri babai im. Dashuria e kujtimi im për ty do të jetë i përjetshëm. Lamtumirë…i dashur BABUSH”, shkruan ajo.