Disa orë para se të shfaqej në emisionin ‘Fiks Fare’ duke ndjekur nga pas ish zv/kryeministren Belinda Balluku, me stillin dhe zellin kur ishte tek ‘Piranjat’, gazetarja Kamila Xhakaj ka pësuar një aksident të rëndë me motorr, duke përfunduar në Spitalin e Traumës, me thyerje gjymtyrësh.
E pasionuar pas motorrave, gazetarja e ka pësuar aksidentin e rëndë pasi i doli në befasi Ballukut te zona e njohur si Kompleksi Nobis, duke e akuzuar për kanosjen e një dëshmitareje të pretenduar të SPAK, madje duke aluduar edhe për ‘eliminimin’ e burrit të saj me metoda të KGB-së si helmim afatagjatë, goditje me valë apo hedhje nga ballokoni inskenuar si vetëvrasje.
Dyshimet për një ‘dorë të zezë’ shtohen kur më parë, Kamila Xhakaj, ka qenë gazetare pranë Syrit Tv, televizionit të Familjes Berisha, më konkretisht pjesë e emisionit ‘Piranjat’, duke ndjekur nga pas përfaqësues të pushtetit, madje duke kapërcyer gardhe, roje dhe shtyrë dyer si të ishte pjesë e ‘RENEA’.
Belinda Balluku akuzohet se ka dorë në arrestimin e Gys Agasit, në arrestimin e Veliaj, në lotët e Mirlinda Karaçanajt, në goditjen e Vlora Hysenit, në shkarkimin e Elisa Spiropalit, në hakerimin e videove të Adi Hilës, në rënien dhe ngritjen e shumë ministrave, në kopsitjen e dosjes Bankers, madje zonja Balluku dyshohet se ka gisht edhe në luftën në Gaza, arrestimin e ish shefit të shërbimit sekret gjerman, tek disa aeroplanë spiunë të zbuluar nga rusët deri tek ndryshimi i drejtimit të një komete. Në këto rrethana pse mos të ketë gisht edhe në aksidentin e gazetares që e ndoqi nga pas?!
Burimi my.gen.tr
Comments are closed.