Ndarja nga jeta e balerinit dhe koreografit shqiptar Leander Veizi në moshën 37-vjeçare ka sjellë reagime në komunitetin artistik.
Ai është gjetur pa shenja jete ditën e hënë në apartamentin e tij në Regensburg të Gjermanisë, ku punonte si Drejtor Artistik i kompanisë së kërcimit në Teatrin Shtetëror të këtij qyteti.
Gjendet i vdekur në apartament koreografi i njohur shqiptar, detajet që zbuloi policia
Lajmi për vdekjen e tij është konfirmuar nga vetë institucioni teatral, ndërsa Ministria e Turizmit, Kulturës dhe Sportit ka përcjellë mesazh ngushëllimi.
Lidhur me ngjarjen, Policia gjermane ka bërë të ditur se në vendin ku është gjetur trupi i artistit nuk janë konstatuar shenja dhune dhe nuk ka asnjë indicie për përfshirjen e ndonjë personi tjetër.
Veizi kishte ndërtuar një karrierë të rëndësishme artistike jashtë vendit, me një rrugëtim të nisur nga arsimimi i tij fillestar.
Pasi mbaroi studimet për balet në Tiranë, Leander Veizi u formua më tej në Scuola del Balletto di Toscana. Në vitin 2011 ai iu bashkua kompanisë Gauthier Dance në Theaterhaus Stuttgart dhe më pas vazhdoi si anëtar ansambli në Ballett Vorpommern dhe Tanz Theater Münster.
Si koreograf, krijimet e tij u ngjitën në skena të njohura si Teatri Gallus në Frankfurt, Theater Vorpommern dhe Theater Münster, përpara se prej marsit të këtij viti të merrte detyrën e Drejtorit Artistik në Regensburg.
