Organizata Botërore e Shëndetësisë ka konfirmuar gjashtë raste të hantavirusit nga tetë të dyshuara pas përhapjes në një anije turistike që I mori jetën të paktën tre personave.
Pra me këtë numër rastesh, raporti I vdekshmërisë është 38 %, me të gjithë personat që kanë pasur variantin e andeve, lloji I virusit që transmetohet mes njerëzve.
Megjithatë Organizata Botërore e Shëndetësisë vlerëson rrezikun për popullsinë globale të paraqitur nga kjo ngjarje si të ulët dhe do të vazhdojë të monitorojë situatën epidemiologjike dhe të përditësojë vlerësimin e rrezikut.
Ndërsa anija turistike holandeze është tashmë pranë Tenerifeve, por banorët e ishullit spanjoll e presin atë me një përzierje pasigurie dhe, në disa raste, zemërimi.
Pasagjerët e anijes duhet të lejohen të zbarkojnë në ishull këtë fundjavë, por vendasit kanë protestuar kundër.
Qeveria qendrore e udhëhequr nga socialistët i është përgjigjur akuzave për arrogancë dhe mungesë transparence duke dhënë detaje mbi mbërritjen e anijes këtë fundjavë.
Ajo nuk do të ankorohet direkt në Tenerife, por do të ankorohet në det dhe pasagjerët e saj do të transportohen me traget në portin e madh industrial të Granadillës, në juglindje të ishullit, shumë larg zonave të banuara.
Menjëherë pas mbërritjes së tyre, ata do të riatdhesohen, ose, në rastin e 14 spanjollëve në bord, do të çohen në Madrid për t’u futur në karantinë.
Autoritetet këmbëngulin se nuk do të ketë kontakt midis pasagjerëve dhe banorëve vendas, të cilët do të jenë absolutisht dhe plotësisht të mbrojtur.
Comments are closed.