Prokuroria e Posaçme Anitkorrupsion (SPAK) ka sekuestruar pasuri të reja në zonën e Palasës, në kuadër të hetimeve të dosjes “Balluku”, raporton gazetarja Klodiana Lala.
Ish-zëvendëskryeministrja dhe ish ministrja e Infrastrukturës dhe Energjisë, Belinda Balluku është nën hetim për korrupsion dhe pastrim parash.
Pasuritë e sekuestruara ndodhen në zonën e Palasës, ndërsa hetimet e SPAK vijojnë për të dokumentuar lidhjet mes pasurive dhe personave të përfshirë në procedim.
Kujtojmë që SPAK ka marrë të pandehur ish zv.kryeministren, Belinda Balluku për dyshime lidhur me procedurat e prokurimit publik. Hetimi përfshin disa tendera të zhvilluar gjatë kohës kur ajo mbante poste drejtuese.
Akuza kryesore për të cilën Balluku është marrë e pandehur lidhet me veprën penale “Shkelja e barazisë së pjesëmarrësve në tendera apo ankande publike”.
Hetimi i SPAK është përqendruar fillimisht te tenderi për ndërtimin e Tunelit të Llogarasë, një nga projektet më të mëdha infrastrukturore të viteve të fundit.
Një tjetër procedurë e përfshirë në hetim është Loti 4 i Unazës së Madhe të Tiranës. Më pas, hetimi është zgjeruar edhe në disa procedura të tjera tenderimi.
Comments are closed.