Sipas informacioneve paraprake, njëri prej të lënduarve është shtetas i huaj. Të dy personat kanë rënë rreth 15 metra poshtë rrugës, në një terren të vështirë dhe të pjerrët, duke bërë të nevojshme ndërhyrjen e forcave të shpëtimit.

Menjëherë pas njoftimit, në vendngjarje mbërritën ekipet e Mbrojtjes nga Zjarri dhe Shpëtimi, strukturat e Policisë së Shtetit dhe Urgjenca Mjekësore, të cilat organizuan operacionin për nxjerrjen e të aksidentuarve nga humnera.

Fatmirësisht, pavarësisht rënies në thellësi, të dy personat kanë pësuar vetëm lëndime të lehta.

Pas shpëtimit, ata u transportuan me ambulancë drejt Spitalit të Sarandës, ku po marrin ndihmën e nevojshme mjekësore dhe po i nënshtrohen kontrolleve të mëtejshme.

Related article  Përplasja me Rezartën, motra e Rozanës zbulon çfarë ka ndodhur jashte kamerave

Ndërkohë, autoritetet vijojnë hetimet për të sqaruar rrethanat e plota të aksidentit dhe shkaqet që çuan në daljen e motorit nga rruga.