Pas ndarjes nga jeta të avokatit të njohur Sajmir Vishaj, vëmendje ka marrë edhe mungesa e një reagimi publik nga ish-bashkëshortja e tij dhe nëna e fëmijëve të tyre, Silvana Ruka.
Deri tani, Ruka nuk ka bërë asnjë reagim publik për vdekjen e ish-bashkëshortit. Ajo që bie në sy është se nga profilet e saj në Instagram dhe Facebook nuk shfaqen më fotografitë e mëparshme me Vishajn.
Marrëdhënia e çiftit kishte përfunduar prej kohësh, ndërsa ndarja ishte formalizuar edhe në gjykatë. Pas divorcit, Silvana kishte hequr mbiemrin Vishaj dhe kishte marrë sërish mbiemrin Ruka.
Vetë Sajmir Vishaj kishte folur publikisht me tone të forta për fundin e martesës, duke pretenduar se bashkëshortja ishte larguar prej tij pikërisht në periudhën kur ai po përballej me një sëmundje të rëndë. Sipas versionit të dhënë prej tij, ndarja kishte ardhur në një nga momentet më të vështira të jetës së tij.
Pas vdekjes së avokatit, megjithatë, Silvana Ruka ka zgjedhur heshtjen publike. Nuk ka pasur një mesazh lamtumire, një postim apo një reagim publik për babain e fëmijëve të saj.
Ndërkohë, largimi i fotove të përbashkëta nga rrjetet sociale është i vetmi ndryshim i dukshëm në profilet e saj pas historisë së ndarjes së çiftit.
Sajmir Vishaj dhe Silvana Ruka kishin kaluar dekada së bashku dhe nga martesa e tyre kanë fëmijë. Fundi i marrëdhënies së tyre ishte bërë publik vetëm pasi vetë avokati kishte folur për divorcin dhe periudhën e vështirë që kishte kaluar pas problemeve të rënda shëndetësore.
Tashmë, pas vdekjes së tij, heshtja e ish-bashkëshortes dhe zhdukja e fotove të përbashkëta nga rrjetet sociale kanë rikthyer sërish në vëmendje historinë e tyre familjare.
