Përmes një videoje të publikuar në rrjetet sociale, Lekbello është shprehur se gratë e përfshira në këto pamje kanë qenë aty me dëshirën e tyre dhe se nuk duhet të gjykohen për jetën e tyre private.
“Për qejfin e vet kanë shku, i donte qejfi. Okej?! Është me qejf kjo gjë”, shprehet ajo.
Më tej, këngëtarja ka folur për mënyrën se si, sipas saj, shoqëria shqiptare i trajton gratë dhe ka kritikuar standardet e dyfishta në raport me burrat dhe gratë.
“Apo është OK që burrat të mbajnë nga 56 dashore? Është, është OK. Po ç’bëni mo, ç’bëni? Mos i vini faj femrës, asnjëherë, në asnjë drejtim”, ka thënë Lekbello.
Ajo ka theksuar më pas se gratë shqiptare përballen me vështirësi dhe mungesë përkrahjeje, duke i cilësuar ato si viktima të një shoqërie që shpesh i gjykon.
“Femra shqiptare është e vuajtur. Femra shqiptare nuk ka përkrahje. Femra shqiptare është e vuajtur dhe femra shqiptare është një viktimë e shoqërisë”, është shprehur ajo.
Në vijim të reagimit, Lekbello ka sjellë në vëmendje edhe vështirësitë ekonomike dhe sociale me të cilat, sipas saj, përballen shumë gra që në moshë të re.
“Ju e kuptoni që njeriu merr rrugët 16 vjeç, 16 vjeç ka marrë se s’kishte djepshin të hante”, tha ajo.
Në fund, këngëtarja ka kritikuar edhe mënyrën se si shoqëria diskuton për dinjitetin e grave, duke argumentuar se vështirësitë e jetës dhe mungesa e mbështetjes i vendosin ato përballë situatave të vështira.
Comments are closed.