Ish-shefja e Shërbimit Informativ Shtetëror, Vlora Hyseni, u paraqit sot në GJKKO për njohjen e masës ‘arrest në shtëpi’, teksa sulmoi gazetaren Klodiana Lala duke i thënë: “Klodi si kalon ti në takime me agjentët serbë në dhomat e hotelit Rogner?”, tha Hyseni, në hyrje të SPAK kur u pyet për lidhjen e saj me Ergys Agasin.
E ftuar në Opinion, Lala ka folur për këtë përplasje, por panelisti tjetër, Albatros Rexhaj nuk e ka lënë të fliste. Mes të dyve ka pasur një përplasje verbale, përcjell Shekulli.
“Ajo zonjë me zë dhe figurë, vetëm nga një pyetje më akuzoi në formë shantazhi, ajo doli nga vetja dhe ju tregoi shqiptarëve se në çfarë mizerje dhe në çfarë duarsh ishte SHISH.
Meriton të rrihesh siç të rrihte Berati, por unë nuk do ndyj duart me ty. Je komplet I parëndësishëm (i thotë Lala – Albatros Rexhaj).
Në makinën e Agasit u gjetën material sekrete të SHISH, të cilat nuk mund të gjenden kollaj. Janë dokumente për personazhe të krimit, të cilat unë nuk mund t’i them”, tha Klodiana Lala.
Gazetarja Klodiana Lala ka thënë se janë plot 503 komunikime mes ish-drejtores së SHISH, Vlora Hyseni dhe biznesmenit Ergys Agasi që SPAK i ka tashmë në dorë.
Gazetarja Lala tha se në komunikime, Hyseni e informonte Agasin për takimet me partnerëve ndërkombëtarë, për takimet me kryeministrin Edi Rama, si dhe për lëvizje në qeveri.
Në emisionin “Opinion”, Lala tha se Hyseni e ka përdorur SHISH-in për të përgjuar zyrtarët e lartë që kanë pasur përplasje me Agasin. Sipas saj, SHISH është përdorur për luftën brenda Partisë Socialiste.
“503 materiale komunikime me ish drejtoreshën e SHISH, ndër të tjera zonja e informonte për takime me partnerët ndërkombëtarë, duke vënë në rrezik jetën e tyre, e informonte për takime me kryeministrin e vendit. Në takime diskutohej për lëvizje në qeveri, emërime, shkarkime e të gjitha me radhë. Këto janë të tëra si prova në dosjen hetimore, i ke me mesazhe me video.
Zyrtarë të lartë të shtetit shqiptar, për shkak të përplasjeve që kishin me Agasin, janë vëzhguar nga SHISH. Si është e mundur që kemi një shefe të SHISH, që nuk e dimë nga ka ardhur, çfarë filtrash ka kaluar dhe çfarë materialesh mund të ketë kaluar te vendet jo-mike. Nga sot do ta kuptoni që ajo çfarë ka ndodhur me sigurinë kombëtare në këtë vend, pasojat do i ndjeni në 10 vitet e ardhshme dhe sa dëm ka bërë zonja. Koha do t’i provojë këto. SHISH është përdorur për luftë politike brenda Partisë Socialiste”, deklaroi Lala
Comments are closed.