Informacioni që po qarkullon në disa faqe në Instagram dhe platforma të tjera, sipas të cilit dy studentë ndodhen në intubim, është i pavërtetë
Agjensia për Media dhe Informim, në kryeministri, ka mohuar lajmet që kanë qarkulluar gjatë pasdites së sotme, se dy studentë ndodhen të intubuar, si pasojë e dhunës së ushtruar në protestë. Agjencia për Media dhe Informim u bën thirrje qytetarëve të informohen vetëm përmes burimeve zyrtare dhe të besueshme, duke shmangur burimet që përhapin informacione të rreme apo çorientuese.
Prej rreth 7 orësh tashmë, qindra protestues janë përballur me Policinë, me një protestë që nisi fillimisht pranë Ministrisë së Arsimit. Deri tani dhjetra persona janë shoqëruar nga Policia, ndërsa ka pasur edhe persona të lënduar, si pasojë e dhunës së ushtruar nga të dyja palët.
NJOFTIMI I MIA
Informacioni që po qarkullon në disa faqe në Instagram dhe platforma të tjera, sipas të cilit dy studentë ndodhen në intubim, është i pavërtetë!
Mos bini pre e dezinformimit!
U bëjmë thirrje qytetarëve të mos besojnë dhe të mos shpërndajnë informacione të pavërtetuara, të cilat krijojnë panik dhe shqetësim të panevojshëm te publiku dhe familjarët.
Agjencia për Media dhe Informim u bën thirrje qytetarëve të informohen vetëm përmes burimeve zyrtare dhe të besueshme, duke shmangur burimet që përhapin informacione të rreme apo çorientuese.
Informacioni zyrtar mbi gjendjen shëndetësore të personave të lënduar gjatë protestës, qofshin protestues apo punonjës të Policisë së Shtetit, përcillet nga institucioni kompetent, Ministria e Shëndetësisë dhe Mirëqënies Sociale.
Comments are closed.