Personat e huaj që u panë sot duke zbritur të prangosur nga një avion në aeroportin e Rinasit janë pjesë e procedurave të transferimit nga Italia drejt Shqipërisë, sipas sqarimit të Policisë së Shtetit.
Zyrtari i Policisë, Albert Nushi, ka mohuar pretendimet se ata janë sjellë në Shqipëri për t’u mbajtur në burg. Sipas tij, bëhet fjalë për shtetas që transportohen nga Italia drejt qendrës së Gjadrit, në Lezhë, e cila përdoret për pritjen e emigrantëve të paligjshëm.
“Lidhur me pamjet e publikuara nga Rinasi, ku pretendohet se shtetas të huaj sillen në Shqipëri, për t’u mbajtur në burg, sqarojmë se këto pretendime janë të pavërteta. Bëhet fjalë për shtetas që transportohen nga Italia drejt Gjadrit, në qendrën e pritjes për emigrantët e paligjshëm”, deklaroi Nushi.
Sipas raportimeve të publikuara sot, Italia ka rinisur transferimin e shtetasve të vendeve të treta që qëndrojnë në territorin e saj pa dokumentacionin e nevojshëm, ndërsa personat e parë janë dërguar në qendrën e Gjadrit
