Anasayfa » Lajm i dhimbshëm! Ndahet nga jeta trajneri i madh i futbollit shqiptar

Lajm i dhimbshëm! Ndahet nga jeta trajneri i madh i futbollit shqiptar

Një lajm i trishtë ka mbërritur sot nga Pogradeci pasi bëhet me dije se është ndarë nga jeta ish-trajneri i K.F. Pogradecit, Arqile Dinaku i njohur ndryshe si Leko.

Sot komuniteti i sportit humbi një figurë të nderuar dhe një profesionist i dedikoi disa nga vitet e jetës së tij futobollit të Pogradecit. Gjatë jetës së tij, Dinaku iu përkushtua futbollit, duke dhënë një kontribut të çmuar si trajner dhe duke qenë pjesë e rëndësishme e zhvillimit futbollit në juglindje të vendit.

Ndonëse Arqile Dinaku mbylli sytë përgjithmonë në moshën 72-vjeçare, puna dhe dedikimi i tij do të kujtohen gjithmonë me respekt nga sportdashësit dhe brezat që ai stërviti.

Largimi i tij ka lënë pas një plagë të hapur për familjen, miqtë dhe komunitetin e sportit, ndërsa kujtimi dhe kontributi i tij do të mbeten gjatë në futbollin pogradecar.

Ceremonia mortore për Arqile Dinakun do të mbahet mesditën e nesërme te varrezat e Pogradecit.

Njoftimi për ceremoninë mortore të Lekos