Meteorologu paralajmëron, ja kur priten reshjet e shiut

Meteorologu i MeteoAlb, Hakil Osmani, në një lidhje televizive, bëri parashikimin e motit për fundjavën dhe për muajin tetor në përgjithësi.

Sipas tij, kjo fundjavë do të jetë kryesisht e qëndrueshme, me intervale të gjata me diell, ndërsa në orët e para të mëngjesit do të kemi një rritje të temperaturave të ajrit.

Ndërkohë, sa i përket muajit tetor në përgjithësi, në 15-ditëshin e parë do të kemi temperatura me vlera normale.

Ndërsa, për sa i përket vranësirave apo reshjeve të shiut, meteorologu bëri me dije se gjatë këtij muaji do të kemi vetëm dy episode me reshje, të cilat pritet të jenë në fundjavën e ardhshme.

“Kjo fundjavë do të vijojë që mëngjeset t’i ketë të freskëta në vendin tonë duke bërë që minimumet në qytetet e zonave malore edhe pse do të kenë një rikuperim të lehet pritet që të luhaten në 8 apo 9 gradë C, ndërsa në ultësirën perëndimore në orët e para të mëngjesit minimumet do të jenë nga 13 e jo më shumë se vlera 17 apo 18°C në vijën bregdetare.

Përsa i përket orëve të mesditës, kemi një rritje të menjëhershme të temperaturave të ajrit duke bërë që maksimumet përgjatë kësaj fundjave sot edhe nesër pritet të jenë në vlerë 27 apo 28°C.

Për të gjithë ata të cilët kanë mundësi që të pushojnë përgjatë kësaj fundjave edhe në vijën bregdetare pse jo pasi duke filluar që nga ora 10:00 dhe të paktën deri rreth orës 3-4 mbasdite kemi temperatura të cilat janë mjaft komode.

Kushtet e motit do të jenë mjaft komode pasi do të kemi intervale të gjata me diell duke filluar që në orët e para të mëngjesit dhe të paktën deri rreth orëve të pasdites ku në pasdite pastaj priten kalime të lehta të vranësirave në zonat malore, por nuk priten reshje shiu.

Sa i përket muajit tetor, nëse flasim për temperaturat e ajrit, orët e para të mëngjesit janë pranë vlerave normale, por janë rreth 1.5 gradë më të larta pasi do të ketë ditë të cilat do të kemi temperatura relativisht të freskëta në këtë 15 ditë të parë të muajit tetor, por për fat të mirë java që vjen ka një rritje të temperaturave të ajrit në orët e para të mëngjesit duke bërë që të kemi një diferencë akoma më të lartë përsa i përket temperaturave minimale normale me ato të cilat neve do të përjetojmë.

Ka sinjale që të kemi vetëm një apo dy episode të cilat pritet të sjellin vranësira të shpeshta dhe gjenerim të reshjeve të shiut. Një episod pritet të jetë dhe në fundjavën e javës që vjen.

Ka sinjale që të jetë atëherë ku do të kemi shpeshtim të vranësirave dhe rrebesh e shiu, por 15 ditshi i parë i tetorit në pjesën më të madhe të tij do të jetë në dominimin e këtyre kushteve Pra temperatura më të larta sa vlera normale dhe më shumë ditë me diell”Stuhi dhe reshje shiu të forta, por vetëm …/ Meteorologu paralajmëron, ja kur priten reshjet e shiut