Gazetari Milaim Zeka ka komentuar publikimin dhe shpërndarjen e videove intime ku pretendohet se shfaqen disa personazhe publikë, duke u ndalur te pasojat që kjo situatë mund të ketë për familjarët e personave të përfshirë.
Zeka tha se, përtej personave që shfaqen në materialet e publikuara, pasojat më të rënda, sipas tij, i përjetojnë familjarët. Ai përmendi në veçanti bashkëshorten dhe fëmijët e Adrian Hilës.
Zeka ngriti pikëpyetje mbi mënyrën e regjistrimit të materialeve, duke pretenduar se bëhet fjalë për kamera të fshehta të vendosura në ambiente private. Ai kritikoi gjithashtu personat që, sipas tij, ruajnë ose shpërndajnë materiale intime të personave të tjerë dhe më pas i përdorin ato për tallje apo shantazh.
Gazetari deklaroi se gjatë punës dhe kontakteve të tij ka hasur raste ku materiale intime janë përdorur si formë presioni. Megjithatë, këto deklarime janë pretendime të tij dhe nuk shoqërohen në këtë prononcim me prova konkrete apo identifikim të personave që ai përmendi.
Përpos zonjave që unë i kam mikesha dhe i ndjej si familja ime, njeriu që është ndjerë më i poshtëruar dhe më i fyer është gruaja e Adrian Hilës, fëmijët e këtij personazhi të pacipë, njeri i sëmurë mental. Duhet të jesh i sëmurë që të xhirosh mikeshat, të dashurat e tua me qëllim të caktuar. Se nuk flitet për kamera jashtë që vendosen për të ruajtur studion. Është kamera e fshehtë e vendosur në dhomën e gjumit. Po të them me përgjegjësi të lartë morale se kam me dhjetëra shokë të ngushtë, edhe njerëz shumë të mëdhenj të biznesit, të artit dhe kulturës, që në tavolina tregojnë video porno që ua kanë bërë të dashurave të tyre. Mua më shokojnë njerëzit përreth meje. Kolegët e mi, moderatorë të ndryshëm, gazetarë të ndryshëm, të cilët janë të përfshirë në pisllëqe shumë më të rënda se Safet Gjici e Adriani dhe dalin e tallen e bëjnë humor këto ditë me jetën e personazheve të njohur dhe jetën e familjarëve të tyre”, tha Zeka.
Sipas tij, kjo është logjikë e shërbimeve serbo-ruse dhe logjikë arabe, pasi gjëra të tilla nuk shiten në perëndim. Ai tregoi edhe rastet kur janë munduar që të shantazhojnë presidentin amerikan Donald Trump dhe atë francez, Emmanuel Macron.
“Kjo është logjike e shërbimeve serbo-ruse dhe logjike arabe se gjera të tilla nuk shiten ne perëndim. Janë munduar shërbimet ruse me e shantazhuar Donald Trumpin me video shantazheuse ne hotel në Moskë, por shërbimet amerikane nuk e i kane ngrene këto gjëra të tilla. Është një video skandal me të cilën është shantazhuar presidenti i Francës, Emmanuel Mcron nga shërbimi i azerbajxhanit dhe shërbimi rus, me disa video intime, por ata nuk i publikuan. Ata arritën qëllimin dhe qëllimi ishte të hiqte nga lista e sanksioneve oligarkun më të madh rus, Osmanov”, tha ai.
Comments are closed.