Një ditë pasi në mbledhjen me dyer të mbyllura të Asamblesë së Partisë Socialiste, kryeministri Edi Rama e shkarkoi nga drejtimi i Partisë Socialiste të Tiranës, kryebashkiaku Erion Veliaj ka reaguar për herë të parë duke dhënë një mesazh të koduar përmes Maratonës.
Ai ka ndarë një video nga momenti kur tymueset shumëngjyrëshe sinjalizojnë nisjen e maratonës, ndërsa shkruan se rruga është sfiduese dhe mbërritja në finish e rëndësishme, por njëkohësisht nuk duhet të heqësh dorë.
“Rruga drejt çdo finishi ka sfidat e veta.Ka momente kur rrethanat të thonë të ndalesh, por vullneti të kujton pse u nise.Mos u dorëzo, beso te forca jote dhe vazhdo përpara! Sepse, siç është e rëndësishme të mbërrish në finish, po aq është edhe të mos heqësh dorë nga rrugëtimi yt.Suksese”, shkruan Veliaj
