Instituti i Gjeoshkencave ka paralajmëruar për rrezik përmbytjesh në disa zona të vendit, për shkak të reshjeve intensive që pritet të përfshijnë territorin gjatë pasdites së sotme. Situata më problematike parashikohet në qarqet Shkodër dhe Kukës, ku reshjet mund të shkaktojnë vërshime të shpejta të lumenjve të vegjël malorë dhe rrëshqitje të dherave. Ndërkohë, probleme me përmbytje të lokalizuara mund të shfaqen edhe në zonat urbane të Shkodrës, Kukësit, Dibrës dhe Lezhës, në varësi të gjendjes së kanalizimeve.
Sipas parashikimit të IGJEUM, reshjet intensive deri lokalisht shumë intensive do të përqendrohen në Shkodër dhe Kukës, ndërsa në qarqet Dibër, Lezhë, Durrës, Tiranë dhe Elbasan priten reshje mesatare deri lokalisht intensive, të shoqëruara me shtrëngata. Në Korçë dhe Vlorë parashikohen reshje të dobëta deri lokalisht mesatare, ndërsa në qarqet e tjera reshjet do të jenë të dobëta.
Për ditën e nesërme, të premten, IGJEUM parashikon reshje të dobëta në të gjithë vendin. Temperaturat pritet të luhaten nga 11 deri në 21 gradë Celsius, në varësi të zonave, ndërsa gjatë pasdites së sotme era do të fryjë mesatare deri e fortë, kryesisht në bregdet dhe në zonat malore.
Njoftimi i plotë:
PARASHIKIMI I RREZIKUT NGA PËRMBYTJET
————————————————–
Sot pasdite (e enjte, dt. 19) priten reshje me intensitet të lartë në veri të vendit. Në qarqet Shkodër dhe Kukës, mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në qarqet Shkodër, Kukës, Dibër dhe Lezhë mund të shfaqen probleme me përmbytje të lokalizuara, në varësi të gjëndjes së kanalizimeve.
PARASHIKIMI METEO
———————-
RESHJET
Sot pasdite (e enjte, dt. 19) priten reshje intensive deri lokalisht shumë intensive në qarqet Shkodër dhe Kukës, ndërsa në qarqet Dibër, Lezhë, Durrës, Tiranë dhe Elbasan priten reshje mesatare deri lokalisht intensive, të shoqëruara me shtrëngata.
Në qarqet Korçë dhe Vlorë priten reshje të dobëta deri lokalisht mesatare, ndërsa në qarqet e tjerë priten reshje të dobëta (siç tregohet në tabelë, respektivisht për secilin qark). Nesër (e premte, dt. 20) priten reshje të dobëta.
TEMPERATURA
Nesër (e premte, dt. 20) temperaturat minimale dhe maksimale të ajrit pritet të arrijnë:
në bregdet: 17 / 20 °C
në vendet e ulëta: 16 / 21 °C
në vendet malore: 11 / 15 °C
ERA
Sot pasdite (e enjte, dt. 19) era pritet të fryjë mesatare deri e fortë, kryesisht në bregdet dhe zonat malore. Nesër (e premte, dt. 20) era pritet të fryjë e lehtë deri mesatare