Kreu i PD-së Sali Berisha ka deklaruar para mediave se, tre gazetarë kanë takuar Vlora Hysenin duke shkelur ligjin dhe sipas tij, të tre duhet të dënohen.
Sipas Berishës, shoqatata e gazetarëve duhet të bëjnë gati dosjet për Berat Buzhalën, Baton Haxhinë, Albatros Rexhën dhe t’i çojnë në Prishtinë në gjykatë.
“Tre gazetarët Baton Haxhia, Berat Buzhala dhe Albatros Rexha që kanë takuar Vlora Hysenin kanë shkelur ligjin dhe janë të dënueshëm.
U bëj thirrje gazetarëve t’u bëjnë dosjet gati dhe t’i çojnë në gjykatë se i kanë gati 5 vite burg. Ftoj shoqatat e gazetarëve t’ua çojnë dosjet në Prishtinë në gjykatë”, tha Berisha
Objektivat ishin gra të pamartuara, “lënesha” që punonin në institucione të rëndësishme dhe sensitive, ku mund të sigurohej informacion i klasifikuar…
Prej disa muajsh jam marrë me përkthimin në shqip të kujtimeve të Markus Wolfit, ish-shefit të famshëm të kundërzbulimit të STAS-it. Wolf është cilësuar nga shumë prej shërbimeve inteligjente perëndimore si një nga profesionistët më të mëdhenj të spiunazhit gjatë Luftës së Ftohtë.
Wolf njihet, ndër të tjera, edhe për ngritjen e një lloj “Akademie” për zbuluesit e tij. Aty, krahas teknikave klasike të spiunazhit, mësohej edhe një art shumë më delikat, arti i joshjes.
Objektivat ishin gra të pamartuara, “lënesha” që punonin në institucione të rëndësishme dhe sensitive, ku mund të sigurohej informacion i klasifikuar. Pas trajnimit, agjentët e rinj dërgoheshin në mënyrë të fshehtë në Gjermaninë Perëndimore, ku kërkonin objektiva të përcaktuara me kujdes, gra të vetmuara, zakonisht në moshë të mesme, të izoluara nga natyra e punës së tyre dhe me një jetë shoqërore jo veçanërisht aktive.
Wolf e shndërroi këtë teknikë në një instrument të sofistikuar të zbulimit. Përmes saj u ndërtua një rrjet i gjerë informatorësh dhe agjentësh në institucionet e Gjermanisë Perëndimore, në strukturat e NATO-s dhe madje edhe në vetë shërbimin sekret gjermanoperëndimor.
Deri në këtë kapitull kishte mbërritur përkthimi im i librit “Njeriu pa fytyrë, Kujtimet e një zbuluesi” Por, pas ngjarjeve të ditëve të fundit, vendosa ta lë projektin përgjysmë.
“E kujt i hyn më në punë sot akademia e Markus Wolfit?” – thashë me vete.
Dhe, në të vërtetë, përse të merresh me Luftën e Ftohtë, me STAS-in, me agjentët, me teknikat e joshjes, me infiltrimin e NATO-s dhe me historinë e shërbimeve sekrete te Stasit, kur në Tiranë duket se kemi material të mjaftueshëm për një kapitull krejt të ri të një novele me Titull “Akademia e Tiranës”
Dhe, po të vazhdojë kështu kjo histori spiunazhi, besoj se nuk do të kalojë shumë kohë përpara se ajo të hyjë në analet e historisë së shërbimeve sekrete evropiane si çështje me interes për tu studiuar.
Më vjen keq vetëm për kohën e harxhuar me përkthimin e Wolfit. Një libër i jashtëzakonshëm, një histori e jashtëzakonshme spiunazhi, që me siguri do të mbetet i paprekur në raftin e Bibliotekës time.
Jo sepse nuk ia vlen të lexohet.
Por sepse, pas gjithë kësaj historie me spiunazhin me qendër në Tiranë, duket se realiteti ynë ka vendosur t’ia kalojë edhe Markus Wolfit dhe Akademisë së tij të famshme.
Comments are closed.