Një lajm i trishtë ka tronditur arsimimin shqiptar pasi është ndarë nga jeta një nga mësueset e zonës së Maliqit që i dedikoi një jetë të tërë edukimit të nxënësve të shkollës 9-vjeçare “Muharrem Veizi”.
Lajmin e kobshëm e ka bërë të ditur vetë shkolla ku mësuese Gjinovefa Latollari shërbeu për më shumë se 22 vite me përkushtim, profesionalizëm e dashuri në shkollën e lartpërmendur.
Ndarja e saj nga jeta ka lënë pas një dhimbje të madhe për familjen, kolegët, ish-nxënësit dhe të gjithë ata që e njohën dhe e vlerësuan.
Në dhjetor të 2025, mësuese Gjinovefa përmbylli rrugëtimin e saj profesional në shkollën ku shërbeu gati gjysmën e jetës së saj, dhe doli në pension. Mirëpo fati e deshi që ajo të ndahej nga jeta vetëm 7 muaj pas momentit kur u pensionua, në pamundësi për të shijuar pleqërinë e saj.
Newsbomb.al mëson se familjarë, miq e të afërm do i japin sot lamtumirën e fundit mësuese Gjinovefa Latollari. Ceremonia e varrimit do të bëhet sot më 8 Gusht në orën 15:00, në Korçë. Ndërsa pritjet dhe ngushëllimet bëhen pranë Shtëpisë Funerale, te Varrezat e Korçës.
Reagimi prekës i bërë nga shkolla “Muharrem Veizi”
Me hidhërim të thellë njoftojmë ndarjen nga jeta të mësueses së nderuar Gjinovefa Latollari, e cila për rreth 22 vjet shërbeu me përkushtim, profesionalizëm dhe dashuri në shkollën tonë.
Kontributi i saj në edukimin dhe formimin e brezave të nxënësve do të mbetet gjithmonë pjesë e kujtesës dhe historisë së shkollës sonë.
Në këto momente të dhimbshme, i shprehim ngushëllimet më të sinqerta familjarëve, të afërmve, kolegëve dhe të gjithë atyre që e njohën dhe e vlerësuan.
U prehtë në paqe!
Dedikimi i bërë në dhjetorin e 2025:
Sot i themi “mirupafshim” një figure të dashur dhe të paharrueshme të shkollës sonë — mësueses Gjinovefa Latollari — e cila pas shumë viteve përkushtimi, përkujdesjeje dhe dashurie ndaj brezave të nxënësve, nis një kapitull të ri në jetë: pensionin.
Stafi jonë i shpreh ngushëllime familjes, miqve dhe kolegëve për humbjen tragjike të njeriut të tyre të zemrës.