Një ngjarje e rëndë ka tronditur sot Tiranën, pasi një edukatore e një kopshti privat është arrestuar në flagrancë, nën dyshimin se ka dhunuar një fëmijë vetëm 2-vjeç. Në pranga ka rënë Brunilda Haxhiu, edukatore në kopshtin privat “Lala”, e cila sipas të dhënave paraprake dyshohet se ka ushtruar dhunë ndaj të miturit gjatë kohës që ai ndodhej nën kujdesin e saj. Por, ajo që e bën edhe më të rëndë ngjarjen është deklaratq që edukatorja mësohet se ka dhënë përpara oficerit të Policisë Gjyqësore. “E rraha, se nuk flinte gjumë dhe nuk po e duroja”, mësohet të ketë thënë ajo.
Por, si u konstatua ngjarja? Rasti ka dalë në dritë pasi prindërit e 2-vjeçarit kanë parë të nxira në fytyrën e djalit si dhe shenja në veshët e tij. Të shqetësuar për gjendjen e fëmijës, ata kanë kërkuar fillimisht shpjegime në kopshtin “Lala”, ndërsa më pas i janë drejtuar spitalit. Pas ekzaminimit të të miturit dhe dyshimeve për dhunë, rasti është referuar te organet kompetente dhe policia ka nisur verifikimet. Hetuesit kanë shkuar në ambientet e kopshtit dhe kanë këqyrur kamerrat e sigurisë. Sipas informacionit të raportuar për ngjarjen, pamjet kanë dokumentuar veprimet e edukatores ndaj 2-vjeçarit. Haxhiu është arrestuar, ndërsa dosja tashmë do të hetohet nga Prokuroria e Tiranës për të zbardhur plotësisht rrethanat.
Megjithatë arrestimi i edukatores nuk dhe nuk duhet të mbyllë “llogaritë” me atë që ka ndodhur brenda kopshtit “Lala”. Përkundrazi, hap një tjetër kapitull të kësaj historie: përgjegjësinë e institucionit që kishte parrë përsipër kujdesin dhe sigurinë e fëmijës. A ishte ky rast i izoluar? Ka pasur më parë ankesa për edukatoren? A janë kontrolluar sistematikisht nga eprorët kamerat e sigurisë? Kush e kishte përgjegjësinë për mbikëqyrjen e stafit? Këto janë disa nga pyetjet që kërkojnë përgjigje.
Në një hulumtim të shpejtë në “QKB”, rezulton se kopshti “Lala” është themeluar në vitin 2006 me administratore dhe pronare Teuta Lala. Pikërisht eksperienca 20-vjeçare e bën edhe më të domosdoshëm sqarimin se si funksiononte kontrolli brenda koopshtit dhe çfarë mekanizmash kishte ngritur drejtoria për të garantuar që fëmijët mos të përballeshini me dhunë apo sjellje të papërshtatshme gna personeli. Teuta Lala ka sot detyrimin të sqarojë prindërit se çfarë ka ndodhur brenda institucionit që administron.
“E rraha se nuk flinte”, 2-vjeçari i dhunuar në kopshtin
Për më tepër, elementi që errëson plotësisht ngjarjen është reagimi publik i kopshtit. Në një kërkim të thjeshtë në google, shfaqet faqja zyrtare e biznesit me afro 1600 ndjekës. Por, po ta klikosh, rezulton e mbyllur. Pra, në vend të një reagimi publik për një ngjarje kaq të rëndë prindërit po përballen me mungesë informacioni. E megjithatë fshirja apo mbyllja e rrjeteve sociale nuk fshin atë që dyshohet se ka ndodhur brenda ambienteve të koopshtit. Sepse në fund të fundit, prindërit nuk i çojnë aty vetëm për edukim, por i BESOJNË FËMIJËN E TYRE!
Pritet me interes të shihet se çdo të ndodhë dhe nëse Ministria e Arsimit do të marrë masa për licencën e këtij kopshti, nëse prokuroria do të arrijë në konkluzione të tjera, apo ky rast qe thjeshtë i izoluar. Sidoqoftë, dhuna është fundi i të menduarit!
