LAJM I FUNDIT/ Të shtëna me armë zjarri nga një jaht në Palasë
Një incident ka ndodhur mbrëmjen e kësaj të diele në zonën e Palasës, ku është raportuar për të shtëna me armë zjarri nga një jaht në det.
Pas marrjes së informacionit, shërbimet e Policisë Kufitare dhe Njësisë Policore Detare kanë nisur menjëherë kontrollet në zonën detare dhe janë vënë në ndjekje të mjetit lundrues.
Nga ana e saj policia në Himarë dhe Stacioni i Policisë Dhërmi kanë nisur verifikimet dhe patrullimet përgjatë vijës bregdetare.
Operacioni detar vijon për lokalizimin dhe ndalimin e jahtit, ndërsa autoritetet po punojnë për verifikimin e rrethanave të ngjarjes, identifikimin e personave që ndodhen në bord dhe dokumentimin e plotë të rastit.
