Një tërmet me magnitudë 4.8 sipas shkallës Richter ka goditur Kosovën mbrëmjen e kësaj së marte.
Sipas të dhënave sizmologjike, lëkundja është regjistruar në orën 22:05, në një thellësi prej rreth 10 kilometrash, me epiqendër në zonën e Shtërpcës.
Tërmeti është ndier në pjesën më të madhe të vendit, ndërsa nuk janë raportuar për dëme materiale.
Ndërsa për lëkundjet sizmike, ka reaguar edhe sizmiologu kosovar, Shemsi Mustafa, i cili shkruan në Facebook se shkalla e tërmetit ka pasur potencial për rrezik për qytetarët.
“Tërmeti në fjalë është ndier dukshëm nga qytetarët e Kosovës. Ky sizmicitet kishte potencialin t’i rrezikonte qytetarët dhe të shkaktonte ndonjë dëm material, për shkak të forcës së madhe.
Ky sizmicitet kishte potencialin t’i rrezikonte qytetarët dhe të shkaktonte ndonjë dëm material, për shkak të forcës së madhe” shkruan ai.
